Gazel (“eyler seni” redifli)

Gazel 

Çâre-cû oldukça derman derd-nâk eyler seni

Ey gönül bu derd-i aşk âhir helâk eyler seni

Şâne-veş tek düşme ey âşık hevâ-yi zülfüne

Korkarım şemşîr-i gamze çâk-çâk eyler seni

Zîb-i gil etmek için mahsûlü dihkaan-i ezel

Bir gün ey tohm-i ten elbet zîr-i hâk eyler seni

Tâ be-key ey nefs-i çirk-âlûd meyl-i ma’siyet

Ağla kim eşk-i nedâmet belki pâk eyler seni

Mûr-i şehd-üftâde-yi gamsın Ziyâ yoktur halâs

Çâre-cû oldukça derman derd-nâk eyler seni

Ziya Paşa  (1851)

Yazılan yazıların sorumluluğu yazarlarına aittir. Suç teşkil edecek yazılardan dolayı edebice.net sorumlu tutulamaz.