Gazel (“… bir taraf mey bir taraf” redifli)

Gazel 

Bezm-i nûş-â-nûşta gam bir taraf mey bir taraf

Sâki-yâ gam kande âlem bir taraf mey bir taraf

Zevk-i feyzî aşk ayrılmaz dil-î âgâhtan

Olamaz peymâne-yi Cem bir taraf mey bir taraf

Mey ağır merhemden ol hâtır-ı mecrûhuma

Konsa bir mizâna merhem bir taraf mey bir taraf

Kangısın bilmem dil-i şûrîde etsin ihtiyâr

Bûs-i lâ’l-i yâr-i gül-fem bir taraf mey bir taraf

Merhamet verdi Ziyâ mecliste yâre mest iken

Girye-yi çeşm-i dem-â-dem bir taraf mey bir taraf

                                                        Ziya Paşa(1853)

Yazılan yazıların sorumluluğu yazarlarına aittir. Suç teşkil edecek yazılardan dolayı edebice.net sorumlu tutulamaz.