Gazel (“…den gider” redifli)

Gazel (“…den gider” redifli)

Görmeden âsâr-ı nîsânın bahâr elden gider

Güller âhir râm olur ammâ hezâr elden gider

Nev-civân sevmekte ben pîrânı ta’yîb eylemem

Hüsn olur kim seyr ederken ihtiyâr elden gider

Rızk-ı maksûma kanâattir meâli hikmetin

Gâh hırs-î nev-şikâr ile şikâr elden gider

Sâr-bân-i vakt isen hazm eyle zîrâ vakt olur

Bir topal merkeb belâsıyle katâr elden gider

Kıllet-i idrâkten sanma Ziyâ’nın gayretin

Neylesin kim yer gelir sabr ü karâr elden gider

                        Ziya Paşa  (Cenevre, 1870) 

Yazılan yazıların sorumluluğu yazarlarına aittir. Suç teşkil edecek yazılardan dolayı edebice.net sorumlu tutulamaz.